وعلمت أنه سراب

كنت فى ظلام دامس
أتى نورها من بعيد
اقتربت منها
حاولت لمسها
لكنى فوجئت بها حارقة
ليست كما أراها من بعيد
انها تبدو براقة لمن يبعد
تتحول طيرا جارحا لكل من اقترب
لاتتركه حتى تؤله وتجرحه
وكأنها تنتقم لشئ
لقد أنار الضوء
خمد بريقها
وكأنها قد ماتت
كأنها قد اكتشفت
أدركت أنها شئ يولد فى الظلام
يموت مع انبعاث أول شعاع
لاتبان حقيقتها الا فى النور
لكن من السهل أن ننخدع بها فى الظلام

اسراء أبوالخير

Admin عدد المساهمات : 81 تاريخ التسجيل : 09/12/2009

اهلا بك اسراء
وشكرا علي مشاركاتك الجميلة هنا
واتمني ان يكون هناك ساحة حوار مع الزملاء للتعرف علي ابداعك اكتر
دمت بخير

موضوع: قصيدة جميلة الخميس أبريل 22, 2010 6:11 am

أولاً أحييكي على الطريقة اللي وصفتي بيها الشمعه في القصيدة بما تحمله من رمز للأمل والحلم في عالم مظلم سوداوي وأن كنتي شيفاها مجرد سراب بيظهر حقيقته أول ما بيستضم بالواقع المتمثل في الضوء الذي يجعلنا نرى الأمور على حقيقتها وده دليل على أنك خايفه من الحلم الا أذا كنت فهمت القصيدة غلط ...... أحييكي على القصيدة الجميلة

[quote="صبري رضوان"]اهلا بك اسراء
وشكرا علي مشاركاتك الجميلة هنا
واتمني ان يكون هناك ساحة حوار مع الزملاء للتعرف علي ابداعك اكتر
دمت بخي
رأولا أنا بشكر حضرتك جداعلى الرد الجميل اللى فيه شئ من الرقة بس حضرتك ماتكلمتش ع القصيدة نهائى أفهم من كدة انها ماعجبتش حضرتك ياريت اعرف رأى حضرتك بصراحة وعلى فكرة والله مابزعل من النقد بالعكس بفرح بيه جدا وبحس انى فعلا عملت حاجة؛أما بالنسبة للتواصل فأنا بلاقى ناس كتيير جدا قرأت قصايدى لكن مفيش رد فأفهم من كدة انها ماعجبتهمش ولا هما مش عايزين يتواصلوا معايا وشكررررررررررررررررا

[quote="حور محب"]أولاً أحييكي على الطريقة اللي وصفتي بيها الشمعه في القصيدة بما تحمله من رمز للأمل والحلم في عالم مظلم سوداوي وأن كنتي شيفاها مجرد سراب بيظهر حقيقته أول ما بيستضم بالواقع المتمثل في الضوء الذي يجعلنا نرى الأمور على حقيقتها وده دليل على أنك خايفه من الحلم الا أذا كنت فهمت القصيدة غلط ...... أحييكي على القصي
أولا أنا بشكر حضرتك على اسلوبك المهذب فى نقض قصايدى بس فى القصيدة اللى فاتت مافهمتش رأى حضرتك من حيث أهتم بالموسيقى فياريت حضرتك ترشدنى أكتر أما بالنسبة للقصيدة دى فانا ماقصدتش الشمعة خالص وعلى فكرة كل ماحد بيسمعها يقول حاجة مختلفة خالص عن اللى انا اقصده ودى حاجة بتسعدنى جدا وشكرا لحضرتك واتمنى تبدى لى رأيك على طول فى أى موضوع أكتبه وشكرررررررررررررررررررا

أأولا أنا بشكر كل اللى بيقرا قصايد ويبدى رأيه فيها وعلى فكرة بركان الجليد أول عمل ليا فى الشعر العامى ،و(وعلت أنه سراب) أول عمل فى القصائد النثرية،و(قلمى طليق) أول عمل فى الشعر العمودى ودى أتمنى أوى أعرف رأي الكل فيها وشكرررررررررررررررررررررررررا

موضوع: بتعلم من بعض السبت أبريل 24, 2010 1:38 am

أحييكي يا أسراء على مشاركتك الفعاله وكل ماكان النص بيحتمل التأويل بيكون نص كويس يعني كل ماكان التاس بيشوفوا فيه حاجه مختلفه ده دليل على أنه نص كويس وده طبعاً بيختلف عن الغموض التام أما بالنسبه للموسيقى ففي ناس بتشوف أن القصيدة لازم تكون موزونه تماماً وناس تانيه بتشوف أن قصيدةالنثر لازم تكون مفيهاش وزن خالص بالنسبالي أنا ( ودي وجهة نظري وفي ناس بتشوفها غلط )مفيش مشكله أن الشاعر يكتب موزون تماماً أو نثر تماماً أو يدخل الأتنين في بعض بس المهم أنه ميحسسنيش بخلل وانا بقراها أو بسمعها وبصراحه كان فيه بعض الخلل في القصيده العاميه وقصيدة قلمي طليق انا مش لاقيهاعلى المنتدى خالص لا في شعر العاميه أو الفصحى وياريت تدخلي على قصايدي الموجوده في المنتدى وتقولي رأيك فيها لأننا في الأخر كلنا بنتعلم من بعض