مات الرد فلسانى

عدد المساهمات : 12 تاريخ التسجيل : 04/03/2010

مات الرد فلساني
بكيت الدع من خوفي لتمشي وما تجينيش تاني
بكيتو بحرقة وكسوفي ضعف مقدرس يمنعني
وقلت لنفسي كيف اقدر اعيش لحظة لشئ فاني
سمعني الطير وغيرة كتير ورفضت هية تسمعني
وهمني طموحي إني اقدر اسود قلبك وغوانـــــي
ومقدرتش اسود قلبك ولكن هوه طوعنـــــــــــــي
بنيت قصر الهوى ليكي بعطفي وروحي وحناني
رسمتك حلم فخيالي وكنتي كابوس بيفزعنــي
جناح الرأفة والرحمة مجاش ليكي لكن جاني
وجاني الحب لو يعرف مكانش قرارة يخدعني
كاسات الحب من إيدك مكاتش بتروي حرماني
وكنت اشرب يزيد عطشي ولكن كات تشبعني
تفوت ايام ورا ايام وحتى ملامحي تنساني
ويدبل ورقي ف فروعي تموت وأديكي تقلعني
وادور تاني علي روحي وروحي ازاي هتلقاني
خلاص مليت من الحيرة خلاص مبقتش تنفعني
جرحت القلب علي جرحو جروح بسببها بيعاني
وقعت فشر اعمالي وحبك دة اللي وقعني
وجرحي فقلبي يشكرني عشان منك فوجداني
اخاف تمشي تغيب عيني تقول عيني واية يعني
خنقتي بايدك الفرحة ومات الرد فلساني
كسرتي بخاطريى ليه ذاتي لقلبك ركن مش معنى
اكيد عارفة بإنك للجسد روحي وفايتاني
خلاص روحى وروحي هادوسها لو كانت هتجزعني
السيد كامل \شاعر الضحى

القصيده فيها صور جميله زي ( كيف أقدر أعيش لحظه لشيء فاني .... جناح الرأفه والرحمه مجاش ليكي لكن جاني ... حتى ملامحي تنساني ... ويدبل ورقي في فروعي تموت وأديكي تقلعني .... وروحي ازاي هتلقاني ) بس بصراحه نهايتها مكانتش قويه قوي بسبب كلمت هتجزعني كانت هتبقى أقوى لوأخترت كلمه أقوى وأجمل من دي ... قصيده جميله يا سيد أحييك عليها